Parisdə Camal Kaşıkçının qətlində şübhəli bilinən şəxs saxlanıldı – Ər-Riyada gedən təyyarəyə minərkən həbs edilib

  • 10:33 - 08 Dekabr

“Washington Post” qəzeti ilə fəal əməkdaşlıq edən jurnalist 2018-ci il oktyabrın əvvəlində Səudiyyə Ərəbistanının İstanbuldakı Baş Konsulluğunun ərazisində öldürülüb

Fransanın paytaxtı Parisdə səudiyyəli jurnalist Camal Kaşıkçının qətlində əli olmaqda şübhəli bilinən şəxs saxlanılıb. 

Avropa.info xəbər verir ki, Fransa mətbuatının ölkənin məhkəmə sistemindəki adı açıqlanmayan mənbələrə istinadən verdiyi məlumata görə, 33 yaşlı Xalid Alotaibi Şarl de Qoll hava limanında sərhəd polisi tərəfindən nəzarətə götürülüb. 

Yerli medianın məlumatına görə, həmin şəxs Ər-Riyada gedən təyyarəyə minərkən həbs edilib. 

“Washington Post” qəzeti ilə fəal əməkdaşlıq edən jurnalist 2018-ci il oktyabrın əvvəlində Səudiyyə Ərəbistanının İstanbuldakı Baş Konsulluğunun ərazisində öldürülüb. 

İstintaqın nəticələrinə görə, Türkiyə Baş Prokurorluğu jurnalistin planlaşdırılan qətlin qurbanı olması qənaətinə gəlib. 

Kaşıkçı diplomatik nümayəndəliyin binasına daxil olduqdan dərhal sonra boğularaq öldürülüb. 

Qətldən sonra Kaşıkçının cəsədi hissələrə bölünərək məhv edilib. 

Türkiyə İstanbulda Kaşıkçı işi üzrə məhkəmənin təşkilinin tərəfdarıdır və Ər-Riyadı jurnalistin qətlində əli olanların ekstradisiyasına çağırıb.


Oxunma sayı: 3026

Oxşar yazılar

COP29 Azərbaycanın malik olduğu imkanların təqdimatı olacaq - DEPUTAT
COP29 Azərbaycanın malik olduğu imkanların təqdimatı olacaq - DEPUTAT
  • 16:28 - 24 Aprel
Dünyanın ən gözəl ölkələrindən birində işləmək istərdinizmi? - FOTO
Dünyanın ən gözəl ölkələrindən birində işləmək istərdinizmi? - FOTO
  • 12:33 - 24 Aprel
Türkiyənin Egey sahili boyunca kulinariya səyahəti
Türkiyənin Egey sahili boyunca kulinariya səyahəti
  • 14:30 - 22 Aprel