Azərbaycan 10 erməni hərbçini Ermənistan tərəfinə verdi - Təhvil verilən əsirlərin adları AÇIQLANDI (YENİLƏNİB)

  • 18:32 - 04 Dekabr


Azərbaycan Respublikası humanizm prinsiplərini əsas tutaraq 4 dekabr 2021-ci il tarixdə 10 nəfər erməni əsilli hərbi qulluqçunu Ermənistan tərəfinə təhvil verib 

Dövlət Təhlükəsizliyi Xidmətindən Avropa.info-ya verilən məlumata görə, təhvil verilmiş şəxslər 16 noyabr 2021-ci il tarixində Ermənistan silahlı qüvvələri tərəfindən dövlət sərhədinin Kəlbəcər istiqamətində törədilən təxribatın qarşısı alınarkən saxlanılıblar. 

Qeyd olunmalıdır ki, humanizm prinsiplərinə sadiq olan Azərbaycan Respublikası bir müddət öncə 26 noyabr 2021-ci il tarixində erməni əsilli bir mülki şəxsi və bir hərbi qulluqçunun Ermənistan tərəfinə təhvil verilməsini təmin edib. 

Eyni zamanda aparılmış danışıqlar nəticəsində Ermənistan tərəfi Azərbaycan Respublikasının işğaldan azad olunan digər ərazilərinin mina xəritələrini də Azərbaycan tərəfinə təqdim edib. 

“Mina xəritələrinin əldə olunmasında göstərdiyi vasitəçilik missiyasına görə Rusiya Federasiyasının Müdafiə Nazirliyinə təşəkkürümüzü bildiririk”, - deyə məlumatda bildirilir. 

***

21:35

Bu arada təhvil verilən erməni əsirlərin adları açıqlanıb.

Bu barədə Ermənistanın rəsmi dövlət orqanları məlumat yayıb. 

Ermənistana qaytarılan diversantlar bunlardır:

▪️Arakelyan Araik Arşaluisoviç

▪️Amirxanyan Serjik Samsonoviç

▪️Akobyan Gevorq Araikoviç

▪️Nalbandyan Robert Mamikonoviç

▪️Sarkisyan Harut Aramaisoviç

▪️Manasyan Artem Surenoviç

▪️Avetisyan Erik Unanoviç

▪️Tevosyan Arman Arturoviç

▪️Akobyan Tiqran Armenoviç.  


Oxunma sayı: 4346

Oxşar yazılar

Türkiyənin Egey sahili boyunca kulinariya səyahəti
Türkiyənin Egey sahili boyunca kulinariya səyahəti
  • 14:30 - 22 Aprel
İmişli fermerləri icra başçısından narazıdır - VİDEO
İmişli fermerləri icra başçısından narazıdır - VİDEO
  • 13:10 - 22 Aprel
Türkiyənin Azərbaycandakı səfirliyində yeni TƏYİNAT
Türkiyənin Azərbaycandakı səfirliyində yeni TƏYİNAT
  • 12:00 - 19 Aprel