Qusarda ev yanıb, 40 yaşlı kişi yanaraq ölüb

  • 15:15 - 04 Dekabr

Fövqəladə Hallar Nazirliyi (FHN) Qusarda evdə baş verən yanğınla bağlı məlumat yayıb. 
 

 FHN-dən Avropa.info-ya verilən məlumata  görə, rayonunun Gündüzqala kəndində ümumi sahəsi 300 m² olan ikimərtəbəli (hər mərtəbəsi 150 m², aynabənd və pilləkən qəfəsi taxta konstruksiyalardan ibarət) aynabənddən ibarət evin yanar konstruksiyaları və ev əşyaları 260 m² sahədə yanıb. 

Yanğın yerinin kəşfiyyatı zamanı 1981-ci il təvəllüdlü Babayev Əsfər Əmirağa oğlunun yanmış meyiti yanğınsöndürənlər tərəfindən aşkar edilərək aidiyyəti üzrə təhvil verilib. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb. 

Hadisə ilə əlaqədar müvafiq qurumlar tərəfindən təhqiqat aparılır. 

 


Oxunma sayı: 1013

Oxşar yazılar