HƏMAS Böyük Britaniyanı məhkəməyə verəcək – Qərar Fələstin hərəkatının Siyasi Bürosunda elan edilib

  • 11:37 - 29 Noyabr

HƏMAS Londonun Fələstin hərəkatını terror təşkilatları siyahısına salmaq qərarına cavab olaraq Britaniya hakimiyyətini məhkəməyə verəcək. 

Avropa.info xəbər verir ki, bunu HƏMAS Siyasi Bürosunun üzvü Musa Əbu Mərzuk Fələstin Qaçqınlar Mərkəzinin onlayn formatda təşkil etdiyi panel müzakirəsində deyib. 

Mərzuk qeyd edib ki, Həmas Britaniya hakimiyyətinin qərarının ləğvinə nail olmaq üçün müxtəlif qurum və təşkilatlarla fəal əməkdaşlıq edir, hüquqşünaslar Londonu məhkəməyə verməyə hazırlaşır. "Biz Böyük Britaniya hüquqşünasları ilə qərarın ləğvinə kömək edəcək strategiya üzərində işləyirik" dedi. 

Daxili məsələlərlə bağlı Mərzuk Fələstin rəhbərliyini və Fəthi “Fələstin xalqının maraqlarına əsaslanan barışıq, tərəfdaşlıq və mübarizə proqramı üzrə razılığa gəlməyə” çağırıb. 

“Həmas parçalanmada maraqlı deyil. Hərəkat Vətəni, dəyişməz prinsipləri və müqaviməti müdafiə etməyə çalışır”, - deyə Fələstin Hərəkatının Siyasi Büro üzvü əlavə edib. 

İki gün əvvəl Britaniya hakimiyyəti Fələstinin HƏMAS hərəkatının siyasi qanadını rəsmi olaraq terror təşkilatları siyahısına əlavə edib. 

Britaniya Daxili İşlər Nazirliyi Britaniya parlamentinin noyabrın 19-da parlamentə baxılması üçün təqdim etdiyi təklifi təsdiqlədikdən sonra HƏMAS-ın Böyük Britaniyada terror təşkilatı kimi tanındığını bildirib. 

Bu o deməkdir ki, HƏMAS üzvləri və ya qrupa dəstək verən şəxslər 14 ilə qədər həbs cəzası ala bilərlər. 

Bundan əvvəl London HƏMAS-ın hərbi qanadı İzzəddin əl-Qəssam briqadasını terror təşkilatı elan edib.


Oxunma sayı: 1310

Oxşar yazılar