Nazir Fərid Qayıbov gənclər təşkilatlarının nümayəndələri ilə görüşüb

  • 18:35 - 09 Oktyabr

Oktyabrın 9-da gənclər və idman naziri Fərid Qayıbov beynəlxalq platformalarda təmsil olunan gənclər təşkilatlarının rəhbərləri ilə görüşüb.

Gənclər və İdman Nazirliyinin mətbuat xidmətindən Avropa.info-ya bildiriblər ki, Gənclər Təşkilatları Milli Şurasının ofisində keçirilən görüşdə 20 təşkilatın sədri iştirak edib.

Nazir gəncləri dinləyib, qazandıqları uğurlar və problemlərlə maraqlanıb. Bu görüşə onların təkliflərini dinləməyə gəldiyini bildirən nazir ölkəmizdə fəaliyyət göstərən 300-dən çox gənclər təşkilatı ilə silsilə görüşlər keçirəcəyini qeyd edib.

Beynəlxalq platformalarda təmsil olunan gənclər təşkilatları sədrləri təmsil etdikləri QHT-nin fəaliyyəti barədə məlumat veriblər.

Sağlam gənc nəslin formalaşması ilə yanaşı, beynəlxalq müstəvidə fəallığın artırılmasında gənclər təşkilatlarının üzərinə böyük iş düşdüyünü qeyd edən F.Qayıbov görüşdə səsləndirilən təkliflərin ümumiləşdirilərək müzakirə olunacağını, Gənclər və İdman Nazirliyinin kreativ ideyalara daim dəstək olacağını bildirib.


Oxunma sayı: 3664

Oxşar yazılar

Əmmanda turizm sərgisi keçirildi – FOTO
Əmmanda turizm sərgisi keçirildi – FOTO
  • 23:45 - 24 Aprel
COP29 Azərbaycanın malik olduğu imkanların təqdimatı olacaq - DEPUTAT
COP29 Azərbaycanın malik olduğu imkanların təqdimatı olacaq - DEPUTAT
  • 16:28 - 24 Aprel
Dünyanın ən gözəl ölkələrindən birində işləmək istərdinizmi? - FOTO
Dünyanın ən gözəl ölkələrindən birində işləmək istərdinizmi? - FOTO
  • 12:33 - 24 Aprel