Azərbaycanın Gorus-Qafan yolunda gömrük rüsumu alması RƏSMƏN TƏSDİQLƏNDİ

  • 17:06 - 13 Sentyabr

Azərbaycan Respublikasının ərazisindən keçən nəqliyyat vasitələrindən yol vergisi və digər gömrük ödənişlərinin alınması ilə bağlı ötən gün bir sıra kütləvi informasiya vasitələrində yayılan məlumatlarla bağlı bildiririk ki, Azərbaycan Respublikasının Vergi Məcəlləsinin 210-cu maddəsinə əsasən, Azərbaycan Respublikasının ərazisinə daxil olan və Azərbaycan Respublikasının ərazisini tərk edən zaman xarici dövlətlərin avtonəqliyyat vasitələri yol vergisinin vergitutma obyektidir.

Bu məcəlləyə əsasən, avtonəqliyyat vasitələri yol vergisinə, “Dövlət rüsumu haqqında” Azərbaycan Respublikasının Qanununun 24-cü maddəsinə əsasən Azərbaycan Respublikası ərazisində beynəlxalq avtomobil daşımalarını tənzimləyən icazənin verilməsi üçün dövlət rüsumuna cəlb edilir.

Avropa.info xəbər verir ki, bu barədə Dövlət Gömrük Komitəsinin yaydığı açıqlamada qeyd edilib.

Bildirilib ki, hazırda gömrük orqanları tərəfindən qanunvericilikdə bu istiqamətdə nəzərdə tutulan müddəaların yerinə yetirilməsi bütün ölkə ərazisi üzrə təmin olunur.

Qeyd edək ki, ötən gün Gorus-Qafan yolunun Azərbaycandan keçən 21 km-lik hissəsi üçün Azərbaycan DGK-nin tranzit vergisi alınması barədə erməni mediası məlumat yaymışdı.


Oxunma sayı: 7558

Oxşar yazılar