Məşhur fransız şirkəti Fransa kəşfiyyatının təlimatı ilə İŞİD-ə maliyyə dəstəyi verirmiş- Anadolu Agentliyi Fransa- İŞİD əlaqələrini sübut edən SKANDAL SƏNƏDLƏRİ YAYDI (FOTOFAKT)
- 17:26 - 07 Sentyabr
Fransanın ən böyük sement nəhəngi olan "Lafarqe"dən Suriyada hansı məqsədlər üçün istifadə etdiyi məlum olub.
Avropa.info xəbər verir ki, Türkiyənin Anadolu Agentliyinin yaydığı sənədlər dünya gündəmini alt üst edib.
Anadolu Agentliyi (AA) tərəfindən əldə edilən Fransanın dövlət qurumlarına aid sənədlərdəki məlumatlar, dünyanın ən böyük sement nəhəngi "Lafarqe"nin İŞİD-lə əlaqəsi haqqında Fransanın daxili, xarici və hərbi kəşfiyyat orqanlarını davamlı olaraq məlumatlandırdığını və əlaqənin uzun müddət davam etdiyini ortaya qoyub.
Beləliklə də, Anadolu Agentliyi Suriyada fəaliyyətini gücləndirmək üçün İŞİD-ə pul ödədiyi səbəbiylə "insanlıq əleyhinə cinayətlərdə iştirak etmək" ittihamı ilə araşdırılan "Lafarqe"nin bu əlaqəni Fransa dövlətinin məlumatı ilə həyata keçirdiyini göstərən sənədləri əldə edib.
"Lafarqe"nin əlaqələr şəbəkəsindən istifadə edərək, Suriyadakı terror təşkilatı ilə əməkdaşlıq etmək və fəaliyyətlərini həyata keçirmək üçün bölgədən xəbərlər alan Fransız kəşfiyyat orqanlarının, şirkətə etdiyi fəaliyyətlə bağlı xəbərdarlıq etməmələri də sənədlərə daxil edilib.
Fransa dövlətinə aid sənədlərdən aydın olur ki, "Lafarqe" şirkəti ilə Fransa kəşfiyyat xidməti arasında əlaqələr 22 Yanvar 2014-cü ildə şirkətin təhlükəsizlik direktoru Jean Claude Veillard tərəfindən göndərilmiş bir e-poçtla başlamışdır.
Şirkət rəsmisi Veillard, e-poçtunda "Lafarqe"nin hələ də Suriyada aktiv olduğunu və işini davam etdirmək üçün "yerli aktyor" İŞİD-lə əlaqələr qurması lazım olduğunu söyləyir. Fransa kəşfiyyat xidmətinin əməkdaşı "Lafarqe"yə cavab olaraq bu vəziyyəti müzakirə etmək üçün bir tarix verir. Fransada "Lafarqe"nin terror təşkilatı ilə əlaqələrinin qalmaqallı müzakirəsindən və məsələnin məhkəməyə çıxmasından sonra, AM 02 kodlu bir kəşfiyyat məmuru 18 Noyabr 2018-ci ildə məhkəmədə ifadə verib.
Məhkəmədəki ifadəsində kəşfiyyat zabiti "Lafarqe"nin Suriyadakı məlumat mənbəyi olduğunu qəbul edib. Kəşfiyyat məmuru hakimə fransız xüsusi xidmət orqanlarının "Lafarqe" fabrikindən necə istifadə etdiyini izah edib. Protokollarda, kəşfiyyat məmuru 2012-2014-cü illərdə "Lafarqe"nin Suriyadakı bütün silahlı qruplara sement göndərdiyini söyləyərək, bu siyahıda İŞİD-in adının olmasını da istisna etməyib. Kəşfiyyat agenti məhkəmədə ""Lafarqe"nin davam edən fəaliyyətindən istifadə edərək bu vəziyyətə yalnız fürsətçi olaraq yanaşdıq", deyib.
İŞİD-ə sement göndərmə işinin təfərrüatları 1 sentyabr 2014 -cü il tarixində "Lafarqe" Təhlükəsizlik Müdiri Veillard ilə Fransa Daxili İşlər Nazirliyinin kəşfiyyat bölməsi arasındakı yazışmalarda müzakirə edilib. İfadələrdən aydın olur ki, Fransa dövləti o vaxt "Lafarqe"nin terror təşkilatı ilə əlaqəsindən xəbərdar olub. AA -nın əldə etdiyi sənədlərdə, yalnız 2013-2014 -cü illər arasında "Lafarqe" ilə Fransa daxili, xarici və hərbi kəşfiyyat xidmətləri arasında 30 -dan çox görüşün olması diqqət çəkib. Məlumdur ki, İŞİD-ə verilən sementlə güclü sığınacaqlar və tunellər inşa edilmişdi.
Şirkətin təhlükəsizlik müdiri Veillard, 30 Noyabr 2017 -ci ildə "Lafarqe"nin terror təşkilatını maliyyələşdirərək insanlığa qarşı cinayətlər törətməkdə günahlandırıldığı zaman polisə ifadə verib. AA -nın əldə etdiyi sənədlərə görə Veillard, hər şeyin Fransa dövləti və kəşfiyyat orqanlarına bilgisi daxilində edildiyini deyib.
Fransada 2016-cı ildə "Lafgarqe"nin Suriyadakı müharibədə hərac verərək terror təşkilatı İŞİD-i maliyyələşdirdiyi yönündə xəbərlər yayıldı. Fransa mətbuatı şirkətin Çələbiyə bölgəsində fəaliyyətlərini davam etdirmək üçün İŞİD-ə hərac ödəməklə yanaşı, sement də verdiyini yazmışdı. Şirkət 2017-ci ildə Suriyada fabriklərinin işləməsi üçün İŞİD-lə əlaqələrini qəbul etdi. Lakin, insanlığa qarşı cinayətlərə ortaq olma ittihamlarını rədd edib.
Şirkətin 8 əməkdaşı haqda "terror təşkilatının maliyyələşdirilməsi" haqda istintaq başladılsa da, Fransa kəşfiyyatının müdaxiləsindən sonra 2019-cu ildə "Lafarqe" və 8 əməkdaşı haqqında ittihamlar götürülüb.
Anadolu Agentliyi "Lafarqe" şirkəti və Fransa kəşfiyyatının İŞİD-lə əlaqələrini sübut edən bütün sənədləri əldə edib.
Avropa.info