AVRO-2020: İngiltərə Çexiya ilə, Şotlandiya Xorvatiya ilə qarşılaşacaq
- 10:00 - 22 İyun
AVRO-2020-də qrup mərhələsinin III turu davam edir.
Avropa.info apasport.az-a istinadən bildirir ki, bu gün daha 2 oyun keçiriləcək.
Baş tutacaq qarşılaşmalarla D qrupunda mübarizəyə yekun vurulacaq. 1/8 finala yüksələn ilk iki yerin sahibi bu matçlarda bəlli olacaq. Həmçinin qrup üçüncüsü kimi tur adlayan daha bir komanda bu gün bilinəcək.
İlk iki turda 4 xal toplayan Çexiya və İngiltərə "Uembli"də qarşılaşacaq. Hər iki komandaya mübarizəni davam etdirmək üçün 1 xal da kifayətdir.
Aktivində 1 xal olan Xorvatiya ilə Şotlandiya Qlazqoda qarşılaşacaq. Rəqiblər bu görüşdə mütləq qalib gəlməlidir. Bu, ya ikinci yerə yiyələnmək imkanı verəcək, ya da qrup üçüncüsü kimi 1/8 finala yüksəlmək şansı yaradacaq.
Qeyd edək ki, qrup mərhələsinə iyunun 23-də yekun vurulacaq.
AVRO-2020
III tur, 22 iyun
D qrupu
23:00. Xorvatiya - Şotlandiya
Baş hakim: Fernando Andres Rapallini (Argentina)
Qlazqo. "Hempden Park" stadionu
23:00. Çexiya - İngiltərə
Baş hakim: Artur Manuel Ribeyro Soares Dias (Portuqaliya)
London. "Uembli" stadionu
1 | Çexiya | 2 | 1 | 1 | 0 | 3-1 | 4 |
2 | İngiltərə | 2 | 1 | 1 | 0 | 1-0 | 4 |
3 | Xorvatiya | 2 | 0 | 1 | 1 | 1-2 | 1 |
4 | Şotlandiya | 2 | 0 | 1 | 1 | 0-2 | 1 |