Ermənistandakı seçkilərin lkin nəticələri: Paşinyan böyük fərqlə öndədir - YENİLƏNİB
- 02:41 - 21 İyun
Ermənistanda keçirilən parlament seçkisinin ilkin nəticələri açıqlanıb. 520 seçki məntəqəsinin nəticələri emal olunandan sonra vəziyyət belədir:
▪️ “Vətəndaş Müqaviləsi” (Paşinyan) - 58.5 %
▪️ “Hayastan” (Koçaryan) – 19.2 %
▪️ “Şərəfim var” (Sarqsyan) - 4.8%
▪️ "Çiçəklənən Ermənistan" (Tsarukyan) - 3.9 %
Artıq Paşinyanın partiyasının tam qələbə çalacağına demək olar ki, şübhə qalmayıb.
O, xalqa müraciətində qələbəsini elan edib və bildirib ki, yaxın günlərdə hökuməti formalaşdırmaq üçün "sağlam qüvvələrlə" məsləhətləşmələrə başlayacaqlar.
***
00:44
Ermənistanda keçirilən parlament seçkisinin ilkin nəticələri açıqlanıb. 268 seçki məntəqəsinin nəticələri (97.264 bülleten) emal olunandan sonra vəziyyət belədir:
▪️ “Vətəndaş Müqaviləsi” (Paşinyan) - 62.8 % (58.559 səs)
▪️ “Hayastan” (Koçaryan) – 17.5 % (17.004 səs)
▪️ "Çiçəklənən Ermənistan" (Tsarukyan) - 4.4 % (4281 səs)
▪️ “Şərəfim var” (Sarkisyan) - 3.7% (3646 səs)
***
23:35
Ermənistanda keçirilən növbədənkənar parlament seçkilərində ilkin nəticələr açıqlanıb. Nəticələrə əsasən, Nikol Paşinyanın partiyası liderdir.
Avropa.info bildirir ki, bu barədə ölkənin Mərkəzi Seçki Komissiyası məlumat yayıb.
Paşinyanın partiyası 58,04% səslə öndədir, Robert Köçəryanın bloku isə 22,01% səslə ikinci yerdədir.
Digər siyasi bloklar onlar üçün qoyulmuş 7 faizlik səs həddini keçə bilməyib.
***
21:00
Ermənistanda növbədənkənar parlament seçkiləri ilə bağlı ilkin statistika açıqlanıb.
Avropa.info redaktor.az-a istinadən xəbər verir ki, Ermənistan Mərkəzi Seçki Komissiyası saat 17.00-a qədər seçkilərdə iştirakın 38.17% təşkil etdiyini, 989.972 seçicinin səs verdiyini açıqlayıb.
Xatırladaq ki, 2018-ci ilin dekabr ayında keçirilmiş növbədənkənar parlament seçkiləri zamanı saat 17: 00-a qədər səsvermə nisbəti 39,54% təşkil etmişdir. Saat 17.00-dək seçicilərin 40,15% -i İrəvanda, 29,41% -i Ermənistanın ikinci böyük şəhəri Gümrüdə, 37,62% -i isə Vanadzor şəhərində səs verib.