Ceyhun Bayramov Şuşa Bəyannaməsi haqda: "UZUN İLLƏR DANIŞILACAQ"

  • 17:43 - 20 İyun

“Şuşa Bəyannaməsi tarixi bir bəyannamədir. Bu sənəddən hələ uzun illər danışılacaq”.

Avropa.info xəbər verir ki, bunu xarici işlər naziri Ceyhun Bayramov “Anadolu” agentliyinə açıqlamasında deyib.

XİN rəhbəri Türkiyə Prezidenti Rəcəb Tayyib Ərdoğanın ölkəmizə 15 iyun səfərini “tarixi” olaraq dəyərləndirib:

“Prezident Azərbaycana tez-tez gəlir. Ancaq ilk dəfə bir dünya lideri işğaldan azad edilən torpaqları, Türk dünyasında xüsusi yeri olan Şuşa şəhərini ziyarət etdi.

Orada Azərbaycan Prezidenti İlham Əliyevlə iki ölkə arasında müttəfiqlik bəyannaməsinə imza atdı. Bu, tarixi bəyannamədir. Hələ uzun illər haqqında danışılacaq bir sənəddir”.

C.Bayramov Türkiyə ilə Azərbaycan arasındakı əlaqələrin Şuşa Bəyannaməsi ilə keyfiyyətcə daha üst səviyyəyə daşındığını ifadə edib:

“Yeni inkişaf perspektivlərinin təməli qoyuldu. Burada siyasi, iqitsadi, humanitar, hərbi, müdafiə, Türk dünyasına yönəlik mesajlar, Azərbaycan və Türkiyə diasporlarının fəaliyyətinə, regional problemlərin həllinə dair mesajlar var.

Bu bəyannamə təkcə Azərbaycan və Türkiyəyə deyil, region ölkələrinə də müsbət təsir edəcək. Bu, yeni reallıqdır. Azərbaycan və Türkiyə hər kəsi bu yeni reallıqdan faydalanmağa dəvət edir. Bəyannamə regionumuzda sülh və tərəqqiyə xidmət edəcək”.


Oxunma sayı: 2476

Oxşar yazılar

Əmmanda turizm sərgisi keçirildi – FOTO
Əmmanda turizm sərgisi keçirildi – FOTO
  • 23:45 - 24 Aprel
COP29 Azərbaycanın malik olduğu imkanların təqdimatı olacaq - DEPUTAT
COP29 Azərbaycanın malik olduğu imkanların təqdimatı olacaq - DEPUTAT
  • 16:28 - 24 Aprel
Dünyanın ən gözəl ölkələrindən birində işləmək istərdinizmi? - FOTO
Dünyanın ən gözəl ölkələrindən birində işləmək istərdinizmi? - FOTO
  • 12:33 - 24 Aprel