Ermənistanda təşviş: Azərbaycan ordusu irəliləyib – Zəngəzurda nə baş verir?
- 18:46 - 12 May
Vanadzorda xidmət aparan Ermənistan ordusuna həyəcan siqnalı verilib. Erməni birləşmələri təcili Zəngəzur istiqamətinə göndərilir.
Avropa.info modern.az-a istinadən xəbər verir ki, Zəngəzur istiqamətində Azərbaycan ordusunun fəaliyyəti ilə əlaqədar Ermənistan ordusu 1 nömrəli döyüş hazırlığı vəziyyətinə gətirilib.
Ermənistan mətbuatının yaydığı məlumatlara görə, Azərbaycan ordusunun bölmələri öz mövqelərindən 3 km irəliləyiblər.
Gorusun bələdiyyə sədrinin müavini Menya Ovsepyan bildirib ki, Azərbaycan hərbçiləri Qaragöl (Laçınla sərhəd, SSRİ zamanında, 1983-cü ildə Ermənistana birləşdirilib) üzərində peyda olublar.
Bu açıqlamanı Ermənistan Müdafiə Nazirliyi də təsdiqləyib.
Yaranmış vəziyyəti aradan qaldırmaq üçün hər iki tərəfin rəsmiləri hazırda danışıqlar aparırlar. Hərbçilər arasında atışma yoxdur.