Elmar Məmmədyarov Türk Şurasının Baş katibini qəbul edib

  • 18:36 - 04 Sentyabr

Sentyabrın 4-də Xarici İşlər naziri Elmar Məmmədyarov Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Amreyevin başçılıq etdiyi nümayəndə heyətini qəbul edib.

XİN-də Avropa.info-ya verilən məlumata görə, nazir Azərbaycanın Türk Şurasının banilərindən biri olduğunu vurğulayaraq, hal-hazırda da bu qurumun digər beynəlxalq təşkilatlarla əməkdaşlığının genişləndirilməsi üçün əməli dəstəyin davam etdirildiyini bildirib. Elmar Məmmədyarov ölkəmizin Türk Şurasının fəaliyyətinə önəmli töhfə verdiyini qeyd edərək, cari ilin oktyabr ayında Bakıda baş tutacaq Türk Şurası Zirvə toplantısının keçirilməsi ilə əlaqədar müvafiq hazırlıq tədbirlərinin görüldüyünü bildirib. 

Öz tərəfindən Bağdad Amreyev Azərbaycanın Türk Şurasının daha da inkişaf etdirilməsi istiqamətində səylərini yüksək dəyərləndirdiyini diqqətə çatdırıb.

 

 

Görüşdə tərəflər Türk Şurasının qarşıdan gələn Bakı zirvə görüşünə hazırlıq məsələləri ilə bağlı ətraflı müzakirələr aparıblar.

Görüşün sonunda Nazir Elmar Məmmədyarov Türk Şurasının Baş katibi Bağdad Amreyevə, habelə onun müavinləri Qismət Gözəlov və Ömer Kocamana “Azərbaycan diplomatik xidmət orqanlarının 100 illiyi” ilə əlaqədar yubiley medallarını təqdim edib.

1 / 4


 


Oxunma sayı: 6777

Oxşar yazılar

“Savalan” Tarixi Araşdırmalar İctimai Birliyi yeni layihəyə start verib
“Savalan” Tarixi Araşdırmalar İctimai Birliyi yeni layihəyə start verib
  • 14:20 - 07 May
Media və Mülki Cəmiyyət İctimai Birliyi yeni layihəyə start verdi - FOTO
Media və Mülki Cəmiyyət İctimai Birliyi yeni layihəyə start verdi - FOTO
  • 11:27 - 06 May
İda dağında macəralar: tarix, mədəniyyət və təbiət qarışığı - FOTO
İda dağında macəralar: tarix, mədəniyyət və təbiət qarışığı - FOTO
  • 10:51 - 06 May