Saatlıda mühafizəçilər çalışdığı şirkətdən 170 min manatlıq oğurluq ediblər
- 18:36 - 05 Avqust
Saatlı rayonunda oğurluq edən şəxslər saxlanılıb.
Bu barədə Daxili İşlər Nazirliyinin Mətbuat xidmətinin Şirvan regional qrupundan məlumat verilib.
Bildirilib ki, iyulun 29-da MMC-lərdən birindən ümumi dəyəri 164 900 manat olan boruların oğurlanması ilə bağlı Saatlı Rayon Polis Şöbəsinə ərizə ilə müraciət daxil olub.
Saatlı RPŞ-nın əməkdaşlarının keçirdikləri əməliyyat-axtarış tədbirləri ilə oğurluğu törətməkdə şübhəli bilinən rayon sakinləri, həmin MMC-də mühafizəçi işləyən Talıb Cəfərov və Vidadi İsmayılov saxlanılıb. Dindirilmə zamanı onlar törətdiyi cinayət əməlini etiraf ediblər və oğurlanan boruların müəyyən bir qismi maddi sübut kimi götürülüb.
Faktlarla bağlı Saatlı RPŞ-nin İstintaq bölməsində araşdırma aparılır.